Share with Friends

அதிகம் படிக்கப்பட்டவை

நடிகர் சங்க தேர்தலில் நடிகர் விமலுக்கா இப்படியொரு நிலைமை? பாக்யராஜ் அணிக்கு பின்னடைவு

தென்னிந்திய நடிகர் சங்கத்துக்கு வரும் ஜூன் 23ஆம் தேதி தேர்தல் நடைபெற இருக்கிறது. விஷாலின் பாண்டவர் அணிக்கு எதிராக கே.பாக்யராஜ் மற்றும் டாக்டர் ஐசரி கே கணேஷ் தலைமையின் கீழ் உருவாகியிருக்கும் ஒரு புதிய அணி இந்த தேர்தலில் போட்டியிடுகிறது.

விஷாலின் பாண்டவர் அணியில் போன முறை போட்டியிட்டவர்கள் அதே பதவிகளுக்கு இந்த முறையும் போட்டியிடுகின்றனர். மனுத்தாக்கல் முடிந்து மனு பரிசீலனை நடந்து வந்த நிலையில் இன்று பாக்யராஜ் அணியை சேர்ந்த நடிகர் விமல், நடிகை ஆர்த்தி, நடிகர் ரமேஷ் கண்ணா ஆகியோரது மனுக்கள் தள்ளுபடி செய்யப்பட்டுள்ளது. இதனால் அவர்கள் தேர்தலில் போட்டியிடாத நிலை ஏற்பட்டுள்ளது.

மனு செய்தவர்கள் அல்லது மனுவுக்கு ஒப்புதல் அளித்து கையெழுத்திட்டவர்கள் சந்தா தொகை கட்டாவிடில் அவர்களது மனு நிராகரிப்படும். அந்த வகையில்தான் இவர்களது மனுக்கள் நிராகரிக்கப்பட்டுள்ளன. பாக்யராஜ் தலைமையிலான அணிக்கு இது மிகப்பெரும் பின்னடைவாக பார்க்கப்படுகிறது.

இந்நிலையில் இது பற்றி கருத்து கூறியுள்ள ரமேஷ் கண்ணா, நாங்கள் எல்லா மனுக்களையும் மிக சரியாகவே செய்துள்ளோம். எங்களது சந்தா தொகை சரியாக செலுத்தியுள்ளோம். எங்கள் மனுக்களை தள்ளுபடி செய்ய முடியாது என தெரிவித்துள்ளார்.